Соңғы қоңырау

25-мамыр Казгородок орта мектебінде «Соңғы қоңырау» салтанатты жиыны өтті.Салтанатты жиынға ата-аналар, қонақтар, Үлгі ауылдық округі әкімдігінің бас маманы Қоқаева М.Т.  өзгеде ауыл тұрғындары қатысты. Алғашқы құттықтау сөзді мектеп директоры Бекенова А.Б.  алып түлектерге табыс тілеп, өткен оқу жылында жеткен табыстар мен мектептің жеңістерін атап өтті, жыл бойы өз еңбегімен көзге түскен, облыстық дәрежеде өткен түрлі жарыстардан жүлделі орындар әкелген ұстаздарды алғыс хаттармен марапаттады, кейін оқу ісінің меңгерушілері Каженова С.Л. мен Бекенова Б.С. сыныптан сынпқа көшіру туралы бұйрықпен таныстырып, үздік оқушылар марапатталды.Өз кезегіндеҮлгі ауылдық округі әкімдігінің бас маманы Қоқаева М.Т. барлық оқушыларды мерекемен құттықтап, түлектерге ақ жол тіледі. Ата-аналарда ақжарма тілектерін жеткізіп, мектеп ұжымына өз алғыстарын білдірді. Салтанатты жиында  11-ші сынып оқушылары алтын ұя мектебімен қоштасу сәттегі жүрекжарды тілектерін, әнмен, өлеңмен, қоштасу вальсімен жеткізді.